Jekk ikun hemm suspett jew evidenza ta’ reazzjoni avversa serja jew effett fir-riċevitur possibbilment relatat mas-sigurtà u l-kwalità tat-tessut trapjantat, it-tabib għandu jikkuntattja immedjatament lill-NBTS billi jimla l-formula “Rapport ta’ okkorrenza jew reazzjoni gravi avversa fuq Tessuti għall-Faċilità tal-Kura tas-Saħħa” u jissottomettiha lill-NBTS fuq l-imejl [email protected].
Service Type: Servizzi2
Servizz ta’ Pariri lid-Donaturi
Disponibbli għal donaturi meqjusa li jeħtieġu pariri partikolari.
Taħditiet u Sessjonijiet Informattivi
Meta mitluba, il-membri tal-istaff tagħna joffru taħdidiet u sessjonijiet informattivi dwar l-għoti tad-demm u l-proċess tiegħu fl- iskejjel, organizzazzjonijiet, programmi televiżivi u tar-radju.
Għal aktar informazzjoni jew appuntament wieħed jista’ jċemplilna fuq 2206 6201;
Telefon b’xejn: 8007 4313 jew 7930 7307 jew jibgħatilna emajl fuq [email protected]
L-indirizzar tat-talbiet f’termini tal-Att dwar il-Libertà tal-Informazzjoni
Donaturi tad-demm li jitolbu aċċess għad-dokumenti tagħhom li huma miżmuma mid-Dipartiment Nazzjonali tat-Trasfużjoni tad-Demm għandhom jikkuntattjaw lill-Uffiċjali tal-FOI tad-Dipartiment fuq 2206 6215 jew 2206 6204.
Kwestjonarju Mediku
Għandu jiġi diskuss mat-tabib qabel id-donazzjoni.
Formola ta’ Kunsens Taħt l-Eta`
Għandha tiġi stampata, iffirmata mill-gwardjan u ppreżentata minn donatur ta’ 17-il sena. Id-donatur irid jippreżenta fotokopja ta’ quddiem u ta’ wara tal-I.D Card tal-kustodju. Din il-fotokopja trid tiġi approvata mill-gwardjan u tinżamm flimkien mal-formola ffirmata tal-kunsens taħt l-età mill-NBTS.
Donazzjonijiet Diretti: Informazzjoni u Kunsens
Il-formola għandha tiġi stampata u ffirmata mill-pazjent u preżentata mid-donatur.
Ittra ta’ Riferiment Biex il-Pazjent/a J/Tirċievi d-Demm Tiegħu/Tagħha Stess
Il-formola għandha tiġi stampata u ffirmata mill-konsulent tal-pazjent u ppreżentat fl-NBTS.